Politique

Toliara Hidina an-dalambe ny Ankolafy telo

Politique
Alatsinainy 29 Aogositra 2011

Rehefa nangina nandritra ny volana maromaro ny Ankolafy telo ao Toliara dia nampamory ny mpanao gazety tao Toliara ary nanapa-kevitra fa hanao famoriam-bahoaka izy ireo ato ho ato.

“Mitarazoka loatra", hoy i Tsimilamaro ny famahana ity krizy ity. "Firenena iaraha-manana ity", hoy Rajoeliarison Serge ka rariny raha mamory vahoaka izahay hanazavana ny zava-misy marina eto amin'ny firenena. Araka ny nambaran'ireo lohandohan’ny mpisorona ao amin'ny Ankolafy telo Toliara dia hanomboka ny fanentanana ny kartie rehetra miisa 41 ao Toliara izy ireo mialoha ny hanaovana ny famoriam-bahoaka ankalamanjana. Toerana roa no hanaovana ny fangatahana ny iray eo amin'ny Kianjan'ny demokrasia eo Amorondriaka na eo anoloan'ny Chambre de Commerce ka izay omen'ny FAT dia izay no hanaovana ny famoriam-bahoaka. Nisy moa ny fanambarana niarahan'izy ireo nanao. Koa dia ho hita eo ny tohin'izany hetsika izany.

Nangonin'i Jean D.