Politique

Taratasy ho an�i Jean Miandry Mana hoe ?

Politique
Alatsinainy 20 Mey 2013

Amin�ny alalan�ity taratasy ity no mba hisintonako ny sainareo ry Jean. Raha jerena ny manodidina sy ny fiainantsika amin�ny ankapobeny dia tena nitontongana ny fiarahamonina.

Tato anatin’ny efa-taona mahery izao dia eto isika ry Jean, ary mampanontany tena ahy hoe tratran’ilay atao hoe bemanaiky ve sa torimaso diso adiresy ? Firifiry ireo tsy rariny, tsy marina hitantsika, henontsika ary iainantsika saingy dia manaiky izany ny besinimaro. Tsy misy sahy mijoro, mitsangana mamoha milaza fa lasa any an-kady anie ny firenena e ! Ireo ao an-kianja sisa no mitabataba isan’andro. Eny e ! Mety handrenesam-peo koa ny eny amin’ny onjam-peo sy tranonkala saingy olom-bitsy ihany ireny fa tsy ilay valalabe mandry miaina ny tsy fahitana ny iray kapoaka, na ireo tena miady mafy ahitana izany.

Tsy ny ao am-bilany ihany no voatohintohina fa ny fiainana rehetra mihitsy. Eo anatrehan’izany anefa dia mangina daholo ny mpiray tanàna, ny mpiray firenena. Ny sasany vitsy an’isa toa variana miady toerana sy politika, ny hafa maro an’isa indray toa mitazam-potsiny. Dia iza ry Jean no antenaina hanova sy hitondra fahombiazana kokoa ho antsika raha isika tena tompony aza mijery fotsiny ? Tamin’ny andron’ny Baiboly no nisy ny mana fa ankehitriny kosa…

Marco be maso