Politique

Taorian�ny fifidianana Nangina i Kaleta, tsy andrenesam-peo i Bruno Josvah

Politique
Talata 01 Aprily 2014

Raha efa miomana fatratra hiatrika ny fifidianana Ben�ny tan�na ho avy eo ireo mpanao politika vao misandratra any amin�iny Distrikan�i Faradofay, dia tsy mbola nandrenesam-peo kosa ireo mpanao politika fanta-daza any an-toerana, toa an�i Soja Jean Andr� na Kaleta sy Bruno Josvah, izay samy olom-boafidy teo aloha.

Tazana hatrany amin’izay fitondrana mijoro iry voalohany noho izy sakaizan’ny mpandresy, mahay mivadibadi-dela. Senatera i Kaleta tamin’ny fitondrana Ravalomanana, mbola voatendry ho CST indray nandritra ny fitondrana FAT. Nanandrana nilatsaka hofidina solombavambahoaka tao Amboasary Atsimo tamin’ny anaran’ny VPM/MMM indray izy farany teo saingy nandamoka. Nangina tsy nandrenesam-peo izy taorian’izay.

Solombavambahoaka voafidy in-droa misesy tao Tolagnaro kosa i Bruno Josvah. Tsy nandrenesam-peo izy taorian’ny fanonganam-panjakana ny taona 2009. Nanaitra ny maro ny tsy nirotsahany hofidina ho depiote ny volana desambra teo. Na izany aza dia nilaza ny tenany fa hitolona ary hanome fahafaham-po ny vahoaka amin’ny fitadiavana tolo-tanana hiarovana ny madinika amin’ny herisetra sy fanaparam-pahefana.