Politique

Tabera Randriamanantsoa Hiditra amin�ny �Plan B�

Politique
Alatsinainy 05 Desambra 2011

Hiditra amin�ny dingana vaovao ny hetsika ataon�i Tabera Randriamanantsoa, ity farany izay mpikambana ao amin�ny ankolafy Zafy voatendry ho minisitry ny asam-panjakana ny asa ary ny lal�na sosialy.

Nampiavaka azy, dia ny tsy mbola nanatrehany na filankevitry ny governemanta na filankevitry ny minisitra, nefa dia nandray ny asany amin’ny maha minisitra azy, ary manao sonia taratasim-panjakana. Misy ny taratasy nalefan’ny profesora Zafy any amin’ny Troika, ka miandry ny valin’izany izahay, hoy izy raha nanontaniana. Manindry mafy ny tenany fa tsy iandrasana filankevitry ny governemanta na filankevitry ny minisitra ny famoahana ireo gadra politika sy ny famohana ireo haino aman-jery nakatona ary fiverenan’ireo sesitany politika tsy misy raorao, fa tokony natao avy hatrany araka ny tondrozotra. Nisy ny fifampiresahan’ny profesora Zafy tamin’ny praiminisitra Beriziky mikasika izany ny faran’ny herinandro teo, araka ny fanazavany hatrany, ka ho hita eo. Nambarany fa dia hiditra amin’ny dingana manaraka, “Plan B”, izy amin’ity herinandro ity. Ho avy hamonjy ny filankevitry ny governemanta aho amin’ny talata (rahampitso), hoy ny minisitra Tabera, ka hotakiako mandritra izany ny hamaritana tetiandro hamoahana ireo gadra politika. Hentitra anefa ny tenany, fa tsy mbola hiatrika filankevitry ny minisitra.
Jean D.