Politique

Sendikan�ny mpampianatra mpanabe Hanao fahirano ny fanadinam-panjakana

Politique
Talata 03 Mey 2016

Tapitra rahampitso alarobia 4 mey ny fe-potoana nomen�ny fivondronan�ny sendikan�ny mpampianatra mpanabe ny fitondram-panjakana

. Tsy handray anjara amin’ireo fanadinam-panjakana rehetra hotontosaina eto amin’ny tany sy ny firenena izy ireo raha minia mikipy sy miziriziry ny fitondram-panjakana. Araka ny nambaran-dRandrianjafy Elidio, tompon’andraikitra voalohany ao amin’ny ANEFFA dia tsy nisy hatreto ny fifampidinihana teo amin’izy ireo sy ny minisiteran’ny fanabeazam-pirenena na dia nisy aza ny fe-potoana nomen’izy ireo. Niandry izahay saingy tsy mbola nisy fampiantsoana ihany koa andrasana izay mety ho tohiny, hoy izy. Na izany aza dia notsindriany fa tsy filam-boa tsy ary akory ny an’ireo mpampianatra mpanabe raha nanao ireny fitakiana ny zony maro samihafa ireny fa ny mba hahafahana manatsara hatrany ny sehatry ny fanabeazana eto amintsika. Diso marary loatra ny sehatry ny fanabeazana nefa anisan’ny andry hiankinan’ny fampandrosoana ny firenena satria mamolavola ny zana-bahoaka hanam-pahalalana sy ho lasa olom-banona. Nomarihiny ombieny ombieny moa fa ny mpampianatra no anisan’ny mpiasam-panjakana mahantra indrindra eto amintsika.

Pati