Politique

Senatera Fernand Jeannot Vonona hiara-kiasa amin�ireo kaominina ao Mahajanga

Politique
Alatsinainy 25 Janoary 2016

Avy hatrany dia asa, hoy ity senateran�ny antoko Tim lany tao amin�ny faritany Mahajanga ity.

Hiara-kiasa amin’ireo kaominina mandrafitra ny faritany iasany izy ary misokatra amin’ireo antoko sy ny sehatra rehetra misy ka ny asa fampandrosoana no tena voiziny. Mandry tsy lavo loha ireo vahoaka eny ambanivohitra ka hisy ny fepetra sy ny fiaraha-miasa amin’ny mpitandro ny filaminana ary ny vahoaka eny an-toerana ahafahana mametraka fandriampahalemana maharitra izay tafiditra ao anatin’ny tetikasa ity senatera ity. Misedra olana anefa ny kaominina ambonivohitra Mahajanga ka nampanantena i Fernand Jeannot fa hojerena akaiky ny fomba rehetra ahafahana manampy ny ben’ny tanàna amin’ny famahana ny olana avy aminy. Tsy niandry ela ity loholona ity fa dia namory ireo mpiara-miasa aminy mba ahafahana manatanteraka ireo fanamby lehibe napetrany ireo. Hihaona amin’ireo mpitondra fanjakana rehetra ao amin’ny faritany Mahajanga izy hitondra ny tetikasany. Anisan’ireo faritra hotsidihany sy hanaovany ny tetikasa fampandrosoana any amin’ny distrikan’i Tsaratanana sy ny manodidina, indrindra ny fampandriana fahelamana ny mponina any an-toerana.

Tolin