Politique

Partagé sur :
• facebook

Famotsoran-keloka no ambetin-dresaky ny mpanao politika ankehitriny. Ho ahy, Sazalahy Tsianihy mpandrindra ny Tokobe telo, dia tokana ny lalana tokony hirosoana amin’izany, indrindra fa ho an’ny parlemanta roa tonta : ny famotsoran-keloka faobe.

 Io no tokony hirosoana satria io no miantoka ny fitoniana sy ny fandriampahalemana sy fahazoana ny fankatoavana iraisam-pirenena, fa raha ny famotsoran-keloka hijerena tavan’olana resahan’ny sasany dia hiteraka fikorontanana ary ny olona mieritreritra izany dia azo ambara mazava fa olona te hamboly korontana eto amin’ity firenena ity. Etsy an-kilany koa ilana an’io famotsoran-keloka faobe io ny fanakanan’ny FAT ny fiverenan’ny Filoha Ravalomanana an-tanindrazana sy ny fisavana ny tranon-janany tany Andranomanelatra andro alina. Tena fanafihana izany na dia ny DST aza no nanao azy ary asan-jiolahy tsotra izao izay hiteraka tsy fandriampahalemana sy tsy fitoniana tokoa.

Ny famerenana ny orinasa Tiko sy Magro anefa no hiverenan’i Tojo Ravalomanana eto an-tanindrazana mba hiverenan’ny tsy an’asa miasa sy hisokafan’ny mpamboly sy mpiompy ary ny mpivarotra amin’ny seha-pihariana miaraka amin’izy ireo. Ireo rehetra ireo dia hamerina amin’ny laoniny ny fandriampahalemana. Ireny firesahana ny 7 febroary 2009 ireny dia mitanila satria nahoana no tsy noresahina niaraka taminy ny raharaha 26 janoary 2009 fa nisy faty olona koa tamin’izany ary betsaka sady nisy famotehana fananam-panjakana sy fananan’olon-tsotra koa tamin’ireny ? Tsy noresahina ireny, hoy ny CT Sazahaly Tsianihy, noho ny fatahorana ny fiverenan’ny Filoha Ravalomanana ary mipararetra noho izany Ambohitsorohitra.

Manohy

Tia Tanindrazana

Samia mijoro ho an'i Gasikara.