Politique

Partagé sur :
• facebook

Nanoloana ireny trangan-javatra niseho teny amin’ny lapa maitson’Anosikely tamin’ny alatsinainy 12 septambra ireny dia maromaro ireo CT naneho ny heviny manokana rehefa nanontanian’ny Tia Tanindrazana nivantana.

 Ct avy any Vakinankaratra : Mahagaga ahy ny zava-nitranga fa hoe rehefa any amin’ny Villa Elisabeth ny sasany dia mety ny solontena vitsivitsy miaraka amin’ny lehibe iray mitonona ho V-6 fa rehefa aty amin’ny V-8 dia lasa tsy manan-kery ny solontena vitsivitsy hafa sy ny lehibe iray koa (mikasika ny Les As io). Manala-baraka ny andrim-panjakana ireny zava-niseho omaly alatsinainy ireny na dia olan’ny vondrona Les As manokana aza.

Pasteur Chan Claude CT avy any Toamasina I : Ny fahitako azy amin’ny maha pasitera ahy dia “mi-chambouler” na misamboaravoara ilay mpandray anjara satria miala amin’ny teboka A mankany amin’ny teboka B izy ireo dia misy fandalovana ambony ranomasina misy onja mahery. « Normale » amiko ireny fisamboaravoarana ireny fa anjaran’ny mpanao politika no mijery ny zava-misy arakaraka ny fironany sy tombontsoany. Fa tena handroso ny fanovana eto.

CT Beanjara Paul avy any Vohémar : « Normale » ireny savorovoro ireny fa tsy maintsy misy by teny mampisafoaka ny hafa handraisan’ny hafa ny toerana. Tetikady politika ireny ary misy mibaiko. Mampibolofotra fifanarahana ireny mazava loatra nefa rehefa teren’ny zava-misy dia miravona ihany. Amiko dia manana tombontsoa hifanaraka ny mpanao politika ka misy zavatra tsy maintsy leferina na mampiady aza fa ny soatoavina malagasy dia tsy mandeha amin’ny « à l’extrêmiste ».

Manohy

Tia Tanindrazana

Samia mijoro ho an'i Gasikara.