Politique

Partagé sur :
• facebook

Manaitra ny fandraisan’andraikitr’ireo rafi-panjakana mahefa ny eo anivon’ny Rindran’ny Olom-pirenena Hiarovana ny Iaraha-manana (ROHY)

 nandritra ny fanambarana nataony manoloana ireo trangan-javatra  maro samihafa izay niseho ka niteraka resabe sy savorovoro  teto amin’ny firenena tao anatin’ny andro maromaro. Anisan’izany ny fihemorana amin’ny fanatanterahina ny PSE, ny fametrahana ireo governora izay tsy nisy fampahafantarana ho an’ny rehetra sy ny mpanao gazety ny didim-panjakana mifandraika amin’izany, ny fiparitahan’ny laza adina tamin’ny fanadinana bakalôrea teo, ny fanohizana ny tetikasa tanà-masoandro izay tsy mazava loatra ny mikasika ny fandalinana momba ny fahafaha-manatateraka, ny fandrarana ny fivoahan’ireo vehivavy eto an-toerana,…  Takian’izy ireo ny fandraisan’andraikitry ny governemanta mba hampihatra haitondra matotra sy mandala manoloana ireto foto-kevitra ireto : ny fanajana ny lalàna, ny fampiharana ny fangaraharana, ny fampandraisana anjara ny olom-pirenena sy ny mpisehatra rehetra amin’ny fanapahan-kevitra ary ny fanaovana tamberin’andraikitra. Tsapan’izy ireo tokoa mantsy tao anatin’ny 9 volana izay fa  saika ny filoham-pirenena avokoa no mandray ireo fanapahan-kevitra rehetra hany ka zary misalovana fotsiny ireo mpikamban’ny governemanta hafa izay karamaina lafo dia lafo. Hetahatan’izy ireo ny hanatsarana hatrany ny fandraisan’ny olom-pirenena anjara sy andraikitra amin’ny fiainam-pirenena, indrindra amin’ny fanaovana safidy voahevitra amin’ny fifidianana manaraka rehetra. Izy ireo izay hitondra sy hiaro ny tombontsoan’ny olom-pirenena manoloana ny mpiara-miombon’antoka aminy.

Marigny A.

Tia Tanindrazana

Samia mijoro ho an'i Gasikara.