Politique

Partagé sur :
• facebook

Tokony nifarana niaraka tamin’ny fitsanganan’ny Repoblika faha-4 ny disadisa sy adilahy politika. Andraikitra lehibe takiana amin’ny filoham-pirenena vaovao ny fanarenam-pirenena sy ny fampiharana ny tondrozotra tena antenain’ny vahoaka Malagasy, hoy Randrianomanamahaleo Narcisse avy amin’ny fikambanana “Sakaizam-bahoaka Behoririka”.

Ny fahatanterahan’ireo no tena midika fa voahaja ny lalàna, ny demokrasia ary ny zon’olombelona eto Madagasikara, hoy ny fanampim-panazavany. Amin’ity fikambanana ity dia mila mandini-tena lalina ny mpanao politika satria dia mbola hita taratra amin’izao fitondrana izao ny fanjakazakana firehana tokana. Iray ihany ny MAPAR sy ny HVM mitondra firenena ankehitriny izay tsy iza fa ny TGV tamin’ny fitondrana tetezamita. Tena mijaly ny vahoaka ka mila mijoro ny antokom-bahoaka matanjaka dia ny Tiako I Madagasikara miaraka amin’ireo antoko sy fikambanana tena liam-pivoarana, hoy ity tompon’andraikitry ny fikambanana ity. Soso-keviny ihany koa ny tokony hanajan’ny Tafika Malagasy ny fianianana izay nataony ho tombontsoan’ny firenena fa tsy hanao politika hitadiavana tombontsoa manokana. Amin-dRandrianomanamahaleo Narcisse dia sokajiany ho sarimihetsika ny zava-misy eo amin’ny fahefana mpanao lalàna sy mpanatanteraka amin’izao fotoana izao. Ny tena tanjon’io dia ny fanilihana ireo antoko hafa ankoatra ny HVM sy ny Mapar, hoy ny tenany.

Tia Tanindrazana

Samia mijoro ho an'i Gasikara.