Politique

Rostand Randriampilamanana �Roa andro eto dia milamina raha miala Rajoelina�

Politique
Alakamisy 08 Septambra 2011

Tsy olana raha maika ianao Rajoelina, ampiharo ny tapaka tany ivelany ireny na mial�, fa raha miala ianao dia roa andro ny tany dia milamina, hoy ny mpanolotsaim-paritr�Ihorombe Rostand Randriampilamanana, tetsy amin�ny Magro Behoririka omaly alarobia 7 septambra.

Misy milaza fa sady tsy ilaina ny fankatoavana iraisam-pirenena no tsy ilaina koa ny Ankolafy 3 fa tohizo iny lalana iny. Izahay koa dia miteny fa raha sonia an-tsokosoko, tsy misy vavolombelona matanjaka, tsy hanao sonia ny Ankolafy 3. Niantefa any amin’ny Troika ny hafany, nilaza fa efa lasa kianjan’ny demokrasia ao Magro ka azo ampindramina handrefesana ny herin’ireo vondrona 8 hafa. Fahafahana ho an’ny vahoaka malagasy ny fialan-dRajoelina, hoy i Sazalahy Tsianihy, nanamafy izany hevitra izany, satria izy no tsy manaraka ny tapaka sy tsy manaja ny soniany. Efa tsy fidiny tamin’ny Ankolafy 3 no nametraka an’i Andry Rajoelina hitarika ny tetezamita kanefa nekena, saingy feno ny kapoaka ankehitriny ka tsy hanindroa amin’izany intsony ny Ankolafy 3, hoy ity mpitari-tolona ity.

Manohy