Politique

Rodoben�ny RMTF Mila ravana ny rafitra rehetra misy eto

Politique
Zoma 05 Aogositra 2016

Mahita ireo olom-pirenena, fikambanana, fiarahamonim-pirenena, vondrona sy antoko politika mivondrona ao amin�ny Rodoben�ny Malagasy tia tanindrazana ho amin�ny fanorenana ifotony ( RMTF)

fa tena latsaka an-davaka tanteraka ny firenentsika ankehitriny. Mampangitakitaka ny fieritreretana ny dian’i Madagasikara hatramin’izao ary mampanahy mafy ny hoaviny firenena sy ny taranatsika atsy ho atsy, hoy izy ireo. Nasian’izy ireo resaka manokana ny fanaovan’ny mpitondra tantely afa-drakotra ny harem-pirenena sy ny fari-piainan’ny Malagasy izay tsy mitsaha-mitotongana andro aman’alina. Nandray fanapahan-kevitra maromaro izy ireo hahafahana manova hatreny ifotony ny tantaran’i Madagasikara sy ny hoaviny. Anisan’ireny ny fanaovana tolom-bahoaka hakana ny fahefana eny am-pelatanan’ny mpitondra. Eo ihany koa ny fandravana tanteraka ny rafitra rehetra misy, ny fananganana rafitra vaovao mifanaraka amin’ny soatoavina Malagasy izay mitsinjo ny zo maha olona sy ny sosialim-bahoaka. Nandritra ny fihaonan’izy ireo tamin’ny mpanao gazety omaly no nahafantarana izany, narahin’ny fifanekena nifanaovan’ny samy mpikambana.

Pati