Politique

Rodobe Toamasina Miborioka ny tondrozotra

Politique
Alakamisy 22 Desambra 2011

Namoaka fanambarana ny Rodoben�ny Malagasy Toamasina noho ireo zava-misy iainan�ny firenena sy ny vahoaka Malagasy ankehitriny.

Nambaran´izy ireo taorian’ny fivoriambe nataon´izy ireo ny alatsinainy 12 desambra teo fa “korontana ny any Toliara, mioko ireo polisy sy ny mpitsara, marefo ny firaisam-pirenena, mahantra ny vahoaka, tsy voahaja ny fampiharana ny tondrozotra”. Noporofoin´ny Rodobe Toamasina hatrany fa “ny fananganana ny governemanta sy ny parlemanta CST sy ny CT dia lasa raharaham-pianakaviana sy akamakama ny fanendrena natao, tsy hita soritra ny fampiharana ny andininy sasantsasany amin´ny tondrozotra izay miantoka ny fitoniana ara-politika sy ara-tsosialy”.

Vokatr’izay dia mitaky ny fampiharana ny andininy faha-39 amin´ny tondrozotra ho an´ireo minia sy mandika vilana ny fampiharana azy ny Rodobe Toamasina. Manohana ny fanatanterahana ny fihaonana an-tampony iarahana amin´ny samy Malagasy koa izy ireo, izay heveriny ho vahaolana maharitra sady tsara mba hialan´ny firenena amin´izao krizy lava izao. Niara-nanao sonia ity fanambarana ity ireo mpiara-mitantana ny Rodobe Toamasina, Atoa isany Kotomanantsoa Rémi (filoha), Michel Davy sy Manjarison (filoha lefitra), Efadahy Théodore (ankolafy Zafy) sy Dahy Emilien (ankolafy Ratsiraka).

Rakoutou