Politique

Ritra ny volam-panjakana Nitalaho tany Bruxelles ny FAT

Politique
Alarobia 28 Septambra 2011

Minisitra roa ao anatin’izao governemanta izao, dia ny minisitry ny raharaham-bahiny Sylla Yvette sy ny minisitry ny fitantanam-bola, Rajaonarimampianina Hery, no indray nidodododo nitalaho tany amin’ny Vaomiera Eoropeanina mba hamerenana ny famatsiam-bola izay naaton’ity vondrona ity taorian’ny fanonganam-panjakana nitranga teto tamin’ny 2009. Ny filohan’ny FAT, Andry Rajoelina, no nambara fa hihaona amin’ny filohan’io vaomiera io, saingy tsy tanteraka izany, ka dia ireto minisitra ireto no nalefa tany Bruxelles.

Ny fihetsika toy izao dia mampibaribary fa dia ritra ny volam-panjakana matoa nidodododo toy izao. Andrasana kosa izay voan-dalana tamin’izany, satria dia volam-bahoaka tsy hita pesipesenina no lany amin’ny dian’olona ambony toy izao. Ny azo antoka mantsy dia tsy ho ireto minisitra anatin’ny governemanta ankehitriny ireto no haharesy lahatra ny Vaomiera Eoropeanina ka hanomezany ny volany, fa ny minisitra amin’ny governemanta iraisana izay tokony hitsangana aorian’ny nahavitan’ny sonian’ny tondrozotra.

Jean D.