Politique

R�v�rend Satrobory Mitaky ny hanoloana ireo Sefom-pokontany

Politique
Alatsinainy 16 Jona 2014

Ny fifidianana no maha politika ny politika, ary antoky ny fakan�ny antoko politika ny fanjakana ara-dal�na.

Efa mibanjina ireo fifidianana sisa tavela ankehitriny ny antoko politika isan-tsokajiny misy eto amin’ny firenena mba hanehoany ny maha izy azy. Tsy hanjary anefa izany, hoy ny Révérend Satrobory mpanorina ny antoko AMF/3FM, raha mbola ireo sefom-pokontany am-perinasa ankehitriny ireo no eo fa tena manao izay tiany ireo, tsy matahotra vahoaka satria notendrena fahatany ka takianay AMF/3FM amin’ny minisitry ny Atitany ny fanoloana azy rehetra mba ho izay tena voafidim-bahoaka marina koa no hitantana izany Fokontany manerana ny Nosy izany. Eny anivon’ny Fokontany mantsy no miainga ny fandrafetana ny lisi-pifidianana marina hahazoana manatanteraka ny fifidianana mangarahara eto amintsika. Tsy ilana volabe akory ny fanatanterahana fifidianana filoham-pokontany, hoy i Satrobory, fa fampiantsoana fivoriambem-pokonolona fotsiny dia manatanteraka fifidianana avy hatrany ary vita tapak’andro. Ho an’ny fifidianana Ben’ny tanànan’Antananarivo Renivohitra moa dia nanizingizina ity mpanao politika ity fa ho sasa-poana izay mikasa ny hamboly olana ka hampiady azy amin-dRtoa Lalao Ravalomanana. Efa nifampiresaka ary mahay mifandimina izahay sy i Neny, hoy i Révérand, ka vonona ny hanohana azy amin’izany izahay.