Politique

Resaka nosy Malagasy Manahy ny Otrikafo

Politique
Alakamisy 09 Janoary 2020

Isan’ny adihevitra nametraka ny lanjany namaraparana ny taona 2019 ny resaka nosy malagasy raha ny fijerin’ny avy eo anivon’ny antoko politika Otrikafo azy.

Nanambara ny filoham-pirenena Andry Rajoelina fa ho tafaverina mialohan’ny 26 jona 2020 ireo nosy ireo. Antony mampametra-panontaniana ny antoko Otrikafo io ankehitriny, hoy ny sekretera jeneraliny, Elia Rabevahiny. Tsy ho ela dia tonga izany fetim-pirenena izany saingy raha ny fahitanay azy taorian’ilay fakan-kevitra teny amin’ny CCI Ivato dia mbola tsy tena hita taratra hatreto ny mahakasika ny finiavan’ny mpitondra hamerina izay nosy malagasy izay marina. Mihazakazaka fatratra amin’ny fihazonany ireo nosy ireo ankehitriny ny frantsay ary ny indianina koa dia nilaza ny hifanohana aminy. Inona kosa anefa ny hetsiky ny malagasy etsy ankilany izay ary aiza ho aiza ny tohin’ny fakan-kevitra teny Ivato, hoy ny fanontaniana napetraky ny Otrikafo omaly.

J. Mirija