Politique

Ravoninjatovo Fidimalala Leo ny fanaovana politika eto

Politique
Alarobia 04 Jolay 2012

Anisan�ireo Kaominina tsy dia handrenesam-peo firy ny Kaominina ambanivohitra Ambohimanga Rova raha oharina amin�ireo Kaominina sasany ivelan�ny renivohitra.

Miaina anaty fahanginana ny Ben’ny tanàna Ravoninjatovo Fidimalala noho izy leo ny fanaovana politika eto amintsika, araka ny nambarany. Mijanona ho tsy miandany hatrany ihany koa ny tenany. Tsy miandany amin’ny an-daniny na ny an-kilany saingy tsy maintsy miteny kosa rehefa misy zavatra tsy miteny ary mampirisika sy manao izay hiezahan’ny hafa raha mety ny ataony. Efa 52 taona aty aorian’ny nahazoana ny fahaleovantena isika saingy tsy mbola avotra foana amin’ny fanaovana politika, hoy ihany ity Ben’ny tanàna ity. Vahaolana arosony, araka izany ny hananganana antoko politika miisa telo na dimy hiarahana amin’ny vahoaka.

Ny vahoaka no mandray anjara mivantana amin’izany hanafoanana ny tsy fahaiza-mitantana sy ny fanonganam-panjakana ary ny fidinana an-dalambe izay miteraka hatrany izao krizy misy eto amintsika izao, hoy ihany ity Ben’ny tanàna ity. Ankoatra izay dia nambarany fa tsy hita taratra eto amintsika intsony ny fiainam-piarahamonina mirindra satria tsy fantatry ny mpitondra intsony izany. Tokony hohafainganina ny fananganana fanjakana tena izy noho izany, hoy ihany ity Ben’ny tanàna ity satria ny vahoaka no tena tompon’ny fahefana.

Pati