Politique

Raveloson Constant KMMR misokatra no tantaniko

Politique
Alakamisy 11 Janoary 2018

Atoa Raveloson Constant mpikambana ao amin’ny antoko MFM no notendren’ny kandida Marc Ravalomanana hitantana ny KMMR na Komity Mpanohana an’i Marc Ravalomanana vaovao.

Hanehoana mivantana ny fisokafany amin’ny lafin-kery rehetra eto amin’ny firenena no antony. “Tsy mety intsony ankehitriny ny hanakobonana amin’ny sokajin’olona vitsivitsy ny fanentanana hatao amin’ny fanohanana ny kandida Marc Ravalomanana eo amin’ny fiatrehana ny fifidianana ho filoham-pirenena ho avy amin’ity taona 2018 ity, hoy izy, fa ny toetsaina hitondrana ny KMMR vaovao izay tarihako, izay tena mety amiko mihitsy, dia ny hamondronana ny herin’ny zanaky ny firenena manontolo na iza izy na iza, hamondronana ny angovony, ny herim-pony ary ny fahaizany hoentina hampandroso an’ity firenena iombonana ity”.

Ntsoavina Evariste