Politique

Raoera Chandoutis �Fotoana izao hifamelan-keloka�

Politique
Alatsinainy 19 Septambra 2011

Nomarihina omaly manerantany ny Andro iraisam-pirenena ho an�ny fifamelan-keloka lehibe.

Nilatsaka andro alahady ny 18 septambra tamin’ity, nefa tsy navelan’ny fiarahamonim-pirenena, indrindra ireo fikambanana miaro ny zon’olombelona handalo fotsiny izany. Nisy ny hetsika nokararakain’izy ireo tao Vohipiraisana Ambohijatovo Atsimo nanamarihana izany. Vavaka, fijoroana vavolombelona, fanentanana hisian’ny fifamelana no nanamarika ny fotoana, izay nanontolo andro mihitsy. Mandia fotoan-tsarotra ny firenena, sahirana ny vahoaka vokatry ny fifandroritana eo amin’ny lafiny politika. Fotoana izao hifamelan-keloka. Atomboka eo anivon’ny tokantrano izany, mitatra amin’ny fiarahamonina sy ny toeram-piasana ary mipaka amin’ny firenena, hoy Rtoa Raoera Chandoutis, filohan’ny Komity nasionalin’ny fifamelan-keloka lehibe, izay ivondronan’ny fikambanana maro toy ny Zon’olombelona Mijoro, Acces Zon’olombelona, MAMPAFI, FIAM…, tompomarika tamin’ity hetsika tao Vohipiraisana omaly ity. Tanjona tao anatin’ity ny hampifanatonana ireo tsy mifanara-kevitra, ireo manana olana mba hamitranana indray ny fihavanana araka ny soatoavina Malagasy, ary koa hampanjakana ny fifankatiavana araka ny voalazan’ny Soratra masina.

Nangonin’i Jean D.