Politique

Randrianarimalala Julien Maika ny hisian�ny fitoniana

Politique
Talata 13 Martsa 2012

Dingana tsy azo ihodivirana ny fampihavanana ny Malagasy. Maika noho izany ny hisian’ny fitoniana ara-piarahamonina fa sahirana ny vahoaka, hoy Randrianarimalala Julien, Mpanolotsaina teknikan’ny praiminisitra lefitra misahana ny toekarena sy ny indostria, Botozaza Pierrot. Tsy ara-politika irery intsony mantsy, hoy ity farany, ny olana eto fa efa nitatra any amin’ny lafiny toekarena sy sosialy. Ka izay no ilana mafy ny fampihavanana. Velarina isan-tanàna sy isam-paritra mihitsy ny fanaovana izany, fa tsy safosafoana aty amin’ny foibe fotsiny. Asa lehibe no miandry ny olom-pirenena tia tanindrazana, hoy Randrianarimalala Julien, satria dia fo sy saina vaovao no hanorenana fiainam-piarahamonina vaovao eto Madagasikara.

Nangonin’i Jean D.