Politique

Randriamiarisoa Joseph �Tsy misy fanjakana eto�

Politique
Talata 10 Janoary 2017

Mijanona ho resabe fotsiny ireo voambolana voizina momba ny fitantanana firenena eto Madagasikara.

Tsy mahagaga loatra izany satria tsy ao anatin’ny kolontsaina Malagasy ary tsy mahazatra azy ireo karazana fifampifehezana nalain-tahaka avy any ivelany ireo. Heno sy ventesina eny anivon’ny fiarahamonina Malagasy hatrany isan’andro tokoa ny demokrasia, ny fanjakana tsara tantana, ny tany tan-dalàna na koa ny maro an’isa parlemantera fa aotra kosa ny fanatanterahantsika azy ireny, hoy ny dokotera Randriamiarisoa Joseph. Mahita rahateo ity farany fa tsy voafehin’ny mpitondra nampindramin’ny vahoaka fahefana sy ny mpanao politika Malagasy amin’ny ankapobeny mihitsy ny fampiharana azy ireo eto amin’ny firenena. Vokany, tsy misy fanjakana eto Madagasikara satria tsy resy lahatra ary tsy manana finiavana amin’ny fametrahana izany ny mpitondra mahefa sy ireo andian’olona mikasa hitantana ny firenena. Miroborobo loatra rahateo ireo antoko politika ka ilaina ny fanavaozana ifotony ny fanaovana politika eto amin’ny firenena, hoy ny minisitry ny Tontolo iainana teo aloha.

Nangonin-dRamano F.