Politique

Ramandehamanana Richard �Mila mpitondra teny isika hamahana ny krizy�

Politique
Zoma 26 Aogositra 2011

"Tsy ilaina intsony ary hita fa tsy nahomby ny fifampiresahana mivantana tamin�ireo mpanelanelana vahiny amin�ny famahana ny olana eto Madagasikara�, hoy ny lehiben�ny Faritra Alaotra Mangoro, Ramandehamanana Richard.

Ny mety amintsika dia ny fisian’ny mpitondra teny avy amin’ny Vondrona Iraisam-pirenena hanatanteraka io fanelanelanana io, hoy izy. Araka ny fanampim-panazavana nomeny ihany dia hanelanelana antsika sy ireo mpanelanelana ihany koa no ilana azy ireo, izany hoe mba misy fanamarinana izay resaka natao tamin’ireo ampifandraisina. Olana napetrak’ireo mpanelanelana ankehitriny mantsy, hoy ity Lehiben’ny Faritra ity, no antony mety tsy hahatontosa ny fifidianana kasaina hatao amin’ity taona ity.

Nanindry mafy anefa Atoa Ramandehamanana Richard, fa tokony ho nisy ary hisy ny fifidianana. Mikasika ilay vola 90 tapitrisa natolotra ny Faritra hanatanterahana fotodrafitrasa amin’ireo Kaominina isanisany kosa dia nanazava ny tenany fa hifanarahana araka ny laharam-pahamehana ny ao amin’ny Faritra Alaotra Mangoro iadidiany ary iarahan’izy ireo mandrafitra ny tena mahamaika amin’izany. Ny faritra no fantatra fa tompon’andraikitra voalohany amin’ny fitantanana mazava lavitry ny kolikoly ity famatsiam-bola hampandrosoana ny eny ifotony ity.

Manohy