Politique

Rajaonah Andrianjaka �Tsy mahay afa tsy mangata-bola ny mpitondra�

Politique
Alakamisy 28 Jolay 2016

Sesilany ny fanehoan-kevitra mahakasika ny tsy fahaiza-mitantana eto amin�ny firenena.

Naneho ny heviny indray ny antoko Otrikafo, tarihin’ingahy Rajaonah Andrianjaka omaly. Nitondrany kiana mivaivay ny fomba fiasan’ny mpitondra izay tsy misy mahay afa tsy ny mitangirika famatsiam-bola avy any ivelany. Tsy mila mirehareha amin’ny famatsiam-bola avy any ivelany ingahy Rajaonarimampianina ary tokony hahay maka lesona amin’ny zava-nisy tamin’ny fitondrana nifanesy teto amin’ny firenena, hoy Rajaonah Andrianjaka. Tsy nivantana ny filohan’ny otrikafo saingy nanindrom-paingotra amin’ny fisian’ny kolikoly avo lenta amin’ny fitantanana ireny vola famatsiam-bola ireny. Tsy misy tombontsoan’ny Malagasy ny famatsiam-bola fa mijanona ho kitranoantrano eo amin’ny mpitondra ny fampiasana sy fandaniana azy. Ankoatra izay, ny vahiny sy ny mpitondra no migalabona amin’ny harem-pirenena sy manao tantely afa-drakotra izany ankehitriny. Raha tsara tantana anefa ny harem-pirenena dia ireo vahiny indray no hanatona atsika sy hitady fiaraha-miasa saingy tsy izay ny zava-misy ankehitriny.

Toky R.