Politique

Raharimalala Louisette Miantso ny olona mba hanatona an�Andriamanitra

Politique
Talata 24 Jolay 2012

Miantso ny olona mba hanatona an�Andriamanitra ao anatin�ny fanetren-tena ny filohan�ny fikambanana Mavana CIDEM, Raharimalala Louisette.

Voakasik’izany ireo izay mahatsiaro tena fa mila vonjy ny firenena noho ny krizy lavareny lalovany ankehitriny sy ny fahoriana nianjady tamin’ny vahoaka malagasy nandritra ny 50 taona. Ny faran’ny herinandro teo no efa nanombohan’ny filohan’ity fikambanana ity ny hetsika, taorian’ny fe-potoana herinandro ny fitondram-panjakana. Tamin’ny alalan’ny fifadian-kanina no nanatanterahany izany izay mbola mitohy mandraka ankehitriny, ary mbola hanasany ny vahoaka rehetra rahampitso alarobia eny Tsimbazaza.

Araka ny nambaran-dRaharimalala Louisette dia tsy ny herin’olombelona intsony no hahafahana manavotra ny firenena ankehitriny. Avelao hiditra an-tsehatra Andriamanitra, hoy ihany izy raha tiana ho tafita ny firenena. Amin’ny sabotsy ho avy izao moa vao ho tapitra ny fifadian-kanina hataon’ny filohan’ny fikambanana Mavana CIDEM. Raha tsiahivina dia noho ny fahantran’ny vahoaka ateraky ny krizy sy noho ny tsy fandehanan’ny fiainam-pirenena araka ny tokony ho izy intsony no manosika ity renim-pianakaviana ity hitaona ny olona mba hanatona an’Andriamanitra.a

Pati