Politique

Partagé sur :
• facebook

Somary nangingina, takona tanteraka mihitsy aza ny mikasika ilay raharaha kolikoly avo lenta naha voarohirohy ny mpandraharaha tompon’ny hotely goavambe A&C eny Ivato sady mpanolotsain’ny filoham-pirenena Hery Rajaonarimampianina, Claudine Razaimamonjy.

Na dia efa nolazain’ny teo anivon’ny fitsarana fa niravona aza iny raharaha iny teo aloha kely teo dia tsikaritra fa mbola niteraka resabe teo anivon’ny fiarahamonina ihany taorian’izay ary nisy tamin’ireo fikambanana sy fiarahamonim-pirenena isan-karazany aza mbola nanameloka izay fomba nandravonana ilay raharaha vetivety teo. Ankehitriny, tsy hay na mety ho paikady ihany koa ezahana hanariana dia ny sain’ireo mpanara-baovao ny anton’ny famongarana indray ny fisamborana ireo milaza azy ho mpanohitra mivantana ny fitondrana, nanomboka tany amin’ny raharaha Lylison ka tonga aty amin’ny raharaha Augustin Andriamananoro, filoha lefitry ny vondrona Mapar sy raharaha Fernand Cello izay mpanao gazety izao.

Hanilihana ny mpifaninana matanjaka

Heverin’ireo mpanara-baovao ihany koa anefa fa mety fomba iray ihany koa izao fisamborana izao mba hanilihana ireo heverin’ny avy eo anivon’ny fitondrana fa mety mpifaninana matanjaka amin’ny fifidianana filoham-pirenena ho avy ka dia anarana mandeha sahady ny an’ny filohan’ny antoko Malagasy miara-miainga, Hajo Andrianainarivelo, ny an’ny filohan’ny PNJ Mazava, Rabetsaroana Sylvain, ny filohan’ny mpanorina ny vondrona Mapar, Andry Rajoelina ary mety hiafara amin’ny filoha mpanorina ny antoko Tiako i Madagasikara, Marc Ravalomanana.

Mirija

Tia Tanindrazana

Samia mijoro ho an'i Gasikara.