Politique

Profesora Radanoara Tsy hisy vokany avy hatrany ny fampiantranoana ny Frankofonia

Politique
Alakamisy 24 Novambra 2016

Adihevitra eny anivon�ny fiarahamonina Malagasy hatramin�izao ny mety ho tombontsoa ho azon�i Madagasikara na tsia amin�ny fandraisantsika ny fihaonana an-tampon�ny Frankofonia tontosaina ankehitriny.

Tsara hotsipihina anefa fa tsy misy akony avy hatrany ny fandraisana fivoriana iraisampirenena toy ny hita eto amintsika amin’izao fotoana izao, hoy ny profesora Radanoara Julien. Tsy maintsy jerena kosa ny lafiny toekarena amin’ny ankapobeny raha te-handrefy ny fahombiazan’io fampiantranoana ny fikaonandohan’ireo tany mampiasa ampahany na manontolo ny fiteny frantsay io isika, hoy ity manampahaizana eo amin’ny fifandraisana iraisampirenena ity. Anisan’izany ny resaka ara-barotra, ny fampiasambola, ny fizahantany na koa ny tsena fifanakalozana. Mialoha lalana hatrany ny tontolon’ny fifandraisana na diplaomasia ary manaraka kosa ny sehatry ny toekarena. Iaraha-mahalala, ohatra, ny toerana manerantany misy ny nosy Maorisy izay firenena modely eto Afrika misitraka ireo tombontsoa amin’ny fampiantranoana matetika fihaonana iraisampirenena, araka ny fanampim-panazavany.

Nangonin-dRamano F.