Politique

Praiminisitra vaovao Tokony hahafehy tsara ny filaminana

Politique
Zoma 15 Aprily 2016

Lafin-javatra lehibe andrasan�ny vahoaka Malagasy amin�ny governemanta vaovao ny fifehezana ny tsy fandriampahalemana sy ny fampiharana ny lal�na velona eto amin�ny tany sy ny fanjakana.

Sehatra roa izay tena mamparary sy manakana ny fampandrosoana ny fiarahamonina eto Madagasikara, araka ny fahitan’ny mpiara-belona. Mihevitra rahateo ny ankamaroan’ny olona fa afaka manatanteraka izany ny praiminisitra Solonandrasana Mahafaly Olivier. Tombondahiny ho azy mantsy ny nisahanany ny andraikitry ny minisitry ny Atitany sy ny Fanapariaham-pahefana. Ho mora amin’ity lehiben’ny governemanta fahatelon’ny fitondrana Rajaonarimampianina ity ny fifehezana sy ny fandaminana ireo tranga anisan’ny manapotika ny firenena ireo, araka ny fanehoan-kevitra heno eny rehetra eny. Takiana anefa ny fahavononana sy ny finiavana avy amin’ny mpitondra mahefa. Azo hanombohana izany sahady, ohatra, ny fanaraha-maso akaiky ny fampiharana ny lalàna amin’ireo fiara mampiasa fitaratra miloko matroka eto amin’ny tanàna, hoy ny mpanao politika Rakotomamonjy Phillipe.

Ramano F.