Politique

Praiminisitra Solonandrasana Mahafaly Niantso fiaraha-miasa tamin�ny depiote

Politique
Alarobia 22 Jona 2016

Tena niezaka mafy izahay tao anatin�ny 2 volana mba hanatratra ny tanjona napetraka momba ny fampandrosoana ny firenena, hoy ny praiminisitra Solonandrasana Mahafaly Olivier omaly teny amin�ny lapan�ny antenimieram-pirenena Tsimbazaza.

Tsy mora ny asa miandry ary tena ilaina ny firaisankina, hoy izy. Niantso fiaraha-miasa amin’ny solombavambahoaka ny praiminisitra. Raisinay avokoa ny soso-kevitra rehetra avy aminareo, hoy izy mba hahafahantsika miroso hatrany. Tetsy an-kilan’izay dia nilamindamina ihany koa ry zareo solombavambahoaka, tsy nisy ny fanakianana mavaivay fa toa nanolo-tanana hiara-kiasa ny ankamaroan’ireo nandray fitenenana, ankoatra ny fisaorana sy fandokadokafana ary ny fangatahana zavatra atao any amin’ny distrika naha voafidy ny depiote tsirairay. Azo antoka, raha araka ny zavatra hita omaly, fa ho lany tsy misy adihevitra be ny volavolan-dalàm-panitsiana ny tetibolam-panjakana 2016. Ny hany andrasana sisa dia ilay volavolan-dalàna mifehy ny fifandraisana izay tsy maintsy aorian’ny fetim-pirenena no mety handinihana azy. Hifarana ny 1 jolay izao ity fivoriana ara-potoana voalohany ity, ary efa mandeha ny siosion-dresaka fa hisy ny fivoriana tsy ara-potoana.

RTT