Politique

Praiminisitra mivady Malok�endrika, fa nahoana ?

Politique
Alakamisy 14 Aprily 2016

Tena vaventy sy goavana ny praiminisitra Solonandrasana fony izy minisitry ny atitany sy ny fanapariaham-pahefana. Taorian�ny nankarary azy sy nandidina azy dia hita ho tena nihen-danja be izy.

Raha ny tomban’ny mpanara-baovao sy ny dokotera nanontaniana dia manodidina ny 100 kilao i Solonandrasana Mahafaly mialoha ny nankarary azy. Ankehitriny, farafahakeliny very 15 kilao izy. Midika izany fa tena nikiky azy mafy ny aretina nahazo azy. Na ny endriny hita teny Mahazoarivo omaly aza dia somary maloka sy mbola reradreraka izany. Tsy tena tazana teny amin’ny endrik’i Solonandrasana Mahafaly Olivier ny hafaliana na dia tena fotoan-dehibe tokoa ho azy sy ny fianakaviany aza iny omaly nandraisany tamin’ny fomba ofisialy ny toeran’ny praiminisitra iny. Na ramatoa vadiny aza dia tsikaritra ho teo ho eo ihany fa tsy dia tena faly loatra. Nisy antony manokana ve ny naha malok’endrika ny praiminisitra mivady sa efa tahaka izay mihitsy ry zareo ?

RTT