Politique

Praiminisitra Beriziky Ny fifampiresahana sy fifandeferana ihany

Politique
Alarobia 02 Mey 2012

Nambaran�ny Praiminisitra Omer Berizika tamin�ny mpanao gazety teny amin�ny Lapan�i Tsimbazaza taorian�ny fanokafana ofisialy ny fivoriana ara-potoana voalohan�ny Kongresin�ny tetezamita omaly maraina fa hodinihana ao anatin�ny filankevitry ny govenernemanta rahampitso (anio alarobia) ny mikasika ilay Komitin�ny fampihavanam-pirenena (CFM) mahabe resaka ny maro.

Efa voadinika ny alatsinainy niaraka tamin’ny teknisianina isan-tokony, hoy izy, ny hevitra rehetra mba hahamora ny ahitana ny marimaritra iraisana ahafahana manangana an’io rafitra io. Mikasika ny zava-niseho tamin’ny sabotsy teo tetsy Ambohijatovo dia mampalahelo ny toy ireny, hoy ny Praiminisitra Beriziky, satria dia filohana andrim-panjakana no niharan-javatra tahaka ireny ka niteraka tsy fahasalamana ho azy ary tsy nahafahany nitarika ny fivoriana. Amiko, hoy izy, dia ny firesahana, ny fifanakalozan-kevitra, izay ihany no hamahana ny olana eto. Tsy hisy vahaolana maharitra izany, hoy izy, raha tsy misy fifanatonana fifampiresahana ary fifandeferana.

Manohy