Politique

Pr Ange Andrianarisoa �Ilaina ny fanelanelanana�

Politique
Alarobia 14 Septambra 2011

Ilaina ny hisiana mpanelanelana na avy eto an-toerana na avy any ivelany, araka ny fanazavan’i Ange Andrianarisoa, lehiben’ny delegasion’ny Ankolafy Ratsiraka, saingy mpanelanelana tsy mitanila no takiana. Nosinganin’ity mpitarika ny delegasion’ny Ankolafy Ratsiraka ity, ohatra, ny momba ny Raimandreny Mijoro izay tsy iza fa avy amin’ny Ankolafy Rajoelina ihany. Nomarihiny koa fa tsy mpanelanelana avy eto an-toerana ihany no ilaina fa eo koa ny avy any ivelany satria tsy afaka misaraka amin’ny fianakaviambe iraisam-pirenena isika. Porofon’izany, hoy ny profesora Ange Andrianarisoa ny fiatoan’ny fanamboarana fotodrafitrasa izay mampijaly ny vahoaka. Momba ny resaka fifidianana indray dia ambarany fa ilaina tokoa izany saingy tsy ny fifidianana no tanjona fa ny fihavanana sy ny fifankatiavana, fifampizarana eo amin’ny samy Malagasy.

Nangonin’i Soa