Politique

Paza Didier G�rard

Politique
Talata 22 Aprily 2014

Hanao ho vaindohan-draharaha ny ady amin�ny tsy fandriampahalemana

Ho fararanon’ny famindram-pahefana eo amin’ny Minisitera isan-tsokajiny ity herinandro miditra ity. Ny teo anivon’ny Zandarimariam-pirenena, ohatra, dia nampiseho fahavononana sy modely ka tsy niandry ela taorian’ny fanendrena ireo mpikambana ao amin’ny Governemanta Kolo Roger fa avy hatrany dia niroso tamin’ny famindram-pahefana.

Ny sabotsy 19 aprily teo no notanterahina teny amin’ny trano fiasan’ny Sekreteram-panjakana miadidy ny Zandarimariam-pirenena (SEG) ao amin’ny Toby Jeneraly Philibert Ramarolahy etsy Betongolo ny famindram-pahefana teo amin’ny Genéral de Division Randrianazary sy ny Général de Division Paza Didier Gérard izay vao notendrena hisahana izany andraikitra ambony izany. Nametraka ho vaindohan-draharaha ny ady amin’ny tsy fandriampahalemana araka ny politika ankapobeny napetraky ny Filoham-pirenena ny SEG vaovao.

Hanao izay ho tratry ny heriny izy hampandriana fahalemana ny any Ambonivohitra izay ivelaran’ny Zandarimariam-pirenena. Notsindriany ihany koa fa vonona ny hiaraka hiasa amin’ny rehetra izy fa tsy hanilikilika na iza na iza. Ny Jeneraly Randrianazary tetsy an-kilany nanamarika fa mbola ao anatin’ny Zandarimariam-pirenena hatrany ka vonona lalandava hanampy ny zandary raha misy ny ilana.