Politique

PATRAM Vonona haka fahefana hialana amin�ny fanararaotana

Politique
Talata 09 Aprily 2013

Tafatsangana ny antokon�ny mpiasa eto Madagasikara na ny PATRAM �Parti des Travailleurs Malgaches� izay manana tarigetra ny hanova ny fomba fanaovana politika eto Madagasikara ka hiaro ny vahoaka sy ny mpiasa tsy ankanavaka amin�ny ankapobeny fa tsy natao ho fiarovana olom-bitsy fotsiny tahaka ny nahazatra hatrizay.

Manana sampana miandraikitra ny sehatr’asa isan-tsokajiny ity antoko ity ary mandray ny tsy an’asa ihany koa. Nambaran’ny Sekretera jeneralin’ny PATRAM, Atoa Ranarimampianina Elie fa voatery miroso ain’izao fananganana antoko izao ny mpiasa noho ny fanaovana azy ankilabao sy hararaotina atao fitaovana fakana seza fotsiny. Vonona haka fahefana ny mpiasa ankehitriny, hoy izy, satria hatrizay dia tsy misy afa-tsy ny fanararaotam-pahefana sy ny fanasaziana no azony tamin’ny mpampiasa. Nambaran’ity Sekretera jeneraly ity fa handray anjara amin’ny fifidianana rehetra misy miainga any amin’ny Fokontany ka hatrany amin’ny fifidianana filoham-pirenena ny PATRAM. Efa manana rafitra isan-tsokajiny hatrany amin’ny Kaominina rehetra any ity antoko ity araka ny fanazavan’ity tompon’andraikitra ao aminy ity ihany.

Ntsoavina Evariste