Politique

Pasitera Maihol Marc Ravalomanana no vahaolana

Politique
Alatsinainy 26 Septambra 2011

“Tsy hahazo fankatoavana iraisam-pirenena ary tsy hilamina mihitsy eto Madagasikara raha tsy mody Ravalomanana”, hoy ny Pasitera Maihol raha niresaka tamin’ny mpanao gazety ny sabotsy 24 septambra teo nandritra ny hetsika nataon’ny Apokalipsy tao amin’ny kianjan’ny vélodrome Antsirabe. Lany andro fotsiny, hoy izy ny mpanelanelana Malagasy satria tsy nilaina ary tsy nampiasaina akory izay vokatry ny asany izay fa ny an’ny SADC sy ny Troika ihany no nankatoavina sy harahina. Aminy dia tokony hampiharina izay nosoniavina sy nekena fa tsy arirarira sy fitahina lava ny vahoaka malagasy. Nitondra fanazavana ihany koa ny tenany amin’ny fampiasam-bolany izay lazain’ny sasany fa fanadiovam-bola ka nilazany fa tsy ny fanjakana no tena manenjika azy amin’izany fa olom-bitsy ihany ary nolazainy fa ampy azy ny ampahafolon-karena aloan’ny olona !

Caïus R.