Politique

Parlemantera Zanak�i Dada �Aza gaga raha mitroatra ny vahoaka�

Politique
Alatsinainy 02 Jolay 2012

Nizara vaovao tamin�ireo mpiara-mitolona aminy ao Toamasina ireo Parlemantera avy amin�ny ankolafy Ravalomanana ny sabotsy tolakandro teo, teo an-tokotanin�ny Magro Tanambao V.

“Omena tsiny hatrany ny parlemantera Ravalomanana fa tsy mamonjy fivoriana ao Tsimbazaza sy Anosikely. Ny anay dia efa nambaranay ampahibemaso ny antony, fa ny azy ireo mpigitrika tsy mamonjy fivoriana ireo manao ahoana ?”, hoy ireo Parlemantera ankolafy Ravalomanana Toamasina. Nambaran’ireto farany fa azon’izy ireo tsy omena raha izany tambin-karama izany raha tiany. Mahagaga anefa fa antsoina hatrany izahay haka vola. Nomarihan’izy ireo hatrany fa amin’ny herinandro mifankahita. Na sakanana aza mantsy ny fihaonana eo amin-dRavalomanana sy Rajoelina, dia tsy maintsy hisy io. Ankoatra izay, nanisy teny mikasika ilay fanimbana ireo ahi-maitso eo anoloan’ny lapan’ny tanànan’i Toamasina nametrahana fefy be eo amin’ny araben’ny fahaleovantena koa izy ireo. “Nanenjehana ny filoha Ravalomanana ny fanaovana didy jadona, ankehitriny iza izao no mpanao teny midina tsy ifampierana akory, izay hitam-poko hitam-pirenena ? Koa aza gaga raha mitroatra ny vahoaka”, hoy hatrany ireto parlemantera ireo.

Rakoutou