Politique

Partagé sur :
• facebook

Rehefa nihemotra adiny roa taty aorian’ny tamin’ny 10 ora maraina, fotoana nifanomezana, dia tontosa soa aman-tsara ihany ny fanokafana ofisialy ny fivoriana tsy ara-potoana faharoa amin’ity taona ity eny anivon’ny Kongresin’ny tetezamita.

 Azo antoka fa ny fiandrasana ny taratasy fanomezan-dalana ny zokiolona ao amin’ireo filoha lefitra 6 isam-paritany hitarika ny fivoriana avy amin’ny filohan’ity andrim-panjakana ity, Mamy Rakotoarivelo, izay voalazan’izany fanambarana novakiana ampahibemaso izany fa andeha hamita iraka any ivelany no anton’io fahatarana io. Nandalo teny amin’ny birao fiasany tokoa ity filohan’ny CT ity ary tsy hita vetivety intsony tahaka ireo namany ao amin’ny ankolafy Ravalomanana izay efa nanambara fa tsy hiatrika ity fivoriana ity mandra-pazavan’ny toe-draharaha niseho tamin’ny sabotsy teo tamin’ny fanakanana ny Filoha Marc Ravalomanana tsy hahazo hiditra eto an-tanindrazana indray izay mandika tanteraka ny fampiharana ny tondrozotra niaraha-nanao sonia.

Nambaran’ny filoha lefitry ny Kongresin’ny tetezamita ho an’ny Faritanin’Antananarivo, ny CT Razafiandriambelo Njato Harinony, nitarika ny fivoriana ary tao amin’izany fotoam-panokafana fohy dia fohy izany fa ny fampandehanan-draharaha amin’ny ankapobeny no anjara andraikiny amin’izao maha mpisolo toerana vonjimaika azy izao ary ny famakiana fanindroany ny volavolan-dalàna mamaritra ny fandrindrana ny fampandehanan-draharaha ao amin’ny CENI izay vao nasian’ny Filankevitra ambonin’ny tetezamita fanitsiana no ho dinihan-dry zareo voalohany ankoatra ny volavolan-dalàna hafa ka ny «Conférence des Présidents» notontosaina omaly tolakandro ary hatolotra ankatoavin’ny be sy ny maro amin’ny fivoriana hitambarambe anio maraina no hamaritra ny fandaharam-potoana amin’izany.

Manohy

Tia Tanindrazana

Samia mijoro ho an'i Gasikara.