Politique

NOTAM-n�ny FAT Fanompana ny Malagasy sy ny fianakaviambe iraisam-pirenena

Politique
Alatsinainy 23 Janoary 2012

Manoloana iny fanakanan�ny FAT tamin�ny minitra farany ny prezida Ravalomanana tsy hody eto an-tanindrazana iny dia samy nanana ny nandraisany azy ny tsirairay.

Manandafy Rakotonirina : “Raha zakan-dRajoelina samirery dia aleo entiny samirery. Ho avy ny fihaonan’ny Vondrona Afrikanina dia ho hita eo. Iny fihetsik’i Andry Rajoelina iny aloha dia hanamafy ny sazy ho an’i Madagasikara”.

Constant Raveloson : “Anjaran’i Andry Rajoelina no miala. Misy didy aman-dalàna azo hamaizana ny mpanatanteraka. Ny fandraisan’i Andry Rajoelina azy dia ohatra ireny misy fahavalo manafika ireny isika kanefa izahay sy Andry Rajoelina dia andalana iray no maha ao anaty tetezamita anay ary ny sori-dalana no maha- filohan’ny tetezamita an’i Andry Rajoelina. Hiova hafa indray ny fomba fiady manomboka eto”.

Ranaivoson Henri Roger : “Iny NOTAM iny no hamarana ny dingana rehetra. Hanapotika ny fahitan’izao tontolo izao an’i Madagasikara ary hita fa tena mirefarefa amin’ny tany ny fomba fisainana. Fanompana ny vahoaka Malagasy sy ny fianakaviambe iraisam-pirenena ireny ka anjarantsika ny maka fehin-kevitra. Noterena am-panajana izahay niditra tao amin’io rafitra io kanefa rehefa tsy mety dia tsy mety”.

Nangonin’i Soa