Politique

Navoaka i Jao Jean Mihorohoro sahady Antsohihy

Politique
Sabotsy 03 Martsa 2012

Nihazakazaka ny raharaha politika ao Antsohihy ao tato anatin�ny tapa-bolana izao.

Naverin’ny FAT amin’ny toerany ny Ben’ny tanànan’Antsohihy, izay olon’i Jao Jean, rehefa nosoloana PDS araka ny didim-pitondrana nosoniavin’ny praiminisitra lehiben’ny governemanta, Omer Beriziky. Omaly indray dia navoaka ny fonja (hopitaly) nitazonana azy vonjimaika tao Mahajanga ny vatan-tenan’i Jao Jean. Resaka fanodinkondinana zaza tsy ampy taona miharo fanolanana no niampangana azy. Tranga niseho tamin’ny paka 2011 tao Antsohihy. Efa-bolana lasa izay no nisamborana azy tany an-toerana ka nidirany am-ponja vonjimaika tao Marofoto Mahajanga avy eo nifindra tao amin’ny hopitalin’Androva Mahajanga fa hoe marary izy ka mitsabo tena. Mihorohoro sahady ny ao Antsohihy vao nandre omaly fa nahazo fahafahana, na vonjimaika aza, i Jao Jean. Ho an’ny any an-toerana mantsy dia antony politika tsotra izao no namoahana azy, mba hanarina ny fahavoazan’ny FAT amin’iny Faritra iny.
Jean D.