Politique

Mpitondra fanjakana Mpibizina ny 90%

Politique
Sabotsy 20 Febroary 2016

Tsy mandeha amin�ny laoniny intsony ny fiainam-pirenena eto Madagasikara. Izay no re eny ambavan�ny maro, na aiza na aiza toerana aleha.

Latsaka an-katerena tanteraka mantsy ny fiarahamonina Malagasy ary efa miaina ao anatin’ny fahantrana lalim-paka ny vahoaka, hoy ny «Amicale des Anciens Conseillers Supérieurs et Sénateurs de Madagascar». Mitavozavoza sy vao miana-draharaha eo amin’ny sehatry ny fitantanam-pirenena ny 90%-n’ny mpikambana eo anivon’ny fahefana mpanatanteraka saingy mpibizina avokoa. Mila manapa-kevitra ny filohan’ny Repoblika Hery Rajaonarimampianina mijery ny tombontsoan’ny Malagasy 22 tapitrisa mahery tena sahirana sy mangirifiry na manohy ny fiaraha-miasany amin’ireo olona akaiky mpanaratsy endrika, mpamitaka sy mpanipy hoditr’akondro azy, hoy ny fiaraha-mientan’ireo mpikambana loholona teo aloha. Safidy tsy azo andrasana ela intsony satria ahiana ny fitroatran’ny mpiray tanindrazana raha tsy misy fandraisana andraikitra haingana avy amin’ny filoham-pirenena nametrahan’ny vahoaka ny fitokisany. Hanohy ny fanangonan-tsonia fitakiana ny famerenana ireo «Nosy Malagasy» bodoin’ny frantsay any amin’ny faritra ihany koa moa ny ACS mialoha ny handefasana izany any amin’ny Firenena Mikambana.