Politique

Partagé sur :
• facebook

Samy zanak’i Mahanoro ary samy mpanohana an-dRajoelina no tsy mitovy hevitra satria misy ny endrika fankahalana, raha ny vaovao azo.

Nikarakara fiaraha-mifaly ny tany an-toerana noho ny fahalanian’i Andry Rajoelina ho filoham-pirenena satria nampandany azy ity faritra iray ity. Noho ny mety ho tsy fitovian-kevitra eo amina olom-boafidy efa minisitra sy ny mpandraharaha, dia natao izay handavana ny ny fanomezana natolony, raha toa ka voalaza tany am-boalohany fa afaka manao avokoa ny rehetra ary raisina an-tanan-droa, hoy ny fampitam-baovao. Nivadika anefa ny rasa rehefa fantatra fa io mpandraharaha io no nanolotra omby sy vary noho ny mety ho tsy fitovian-kevitra na fankahalana ka nolazaina fa tsy ilaina ny fanomezana avy any aminy. Nentanim-pitiavana ny vahoaka noho ilay fiaraha-mifaly, ka nanolotra omby sy vary hanaovana nofon-kena mitam-pihavanana izy, hoy kosa ireo mankasitraka ny fihetsika nataony. Nanana ny hambom-pony ihany koa izy ka nilaza hoe : « havereno ary ny omby sy ny vary natolotro ». Izany ve no atao hoe : « ny fitiavana no lehibe indrindra » sa lasa hoe : « ny fankahalana no lehibe indrindra », izay notsinontsinoavin’ilay minisitra, hoy ny fanamarihana. Mitsipa-doha laka-nitana izany io olona io, fa tsy mitovy tadin-dokanga amin’ilay filoha satria izao sahady dia efa mandeha ny fanavakavahana sy ny tsy fitiavana ny namana sy mpiara-belona, ka malahelo ny vahoakan’i Mahanoro, hoy ny fampitam-baovao. Mifamingana sy mifanenjana izany ny samy mpanohana an-dRajoelina ?

Toky R

Tia Tanindrazana

Samia mijoro ho an'i Gasikara.