Politique

Mpanao sonia ny tondrozotra Mivorivory tsy tapaka etsy sy eroa

Politique
Alakamisy 30 Aogositra 2012

Tao anatin’ny fotoana vitsy, roa na telo andro izao, taorian’ny fandrahonana sy fanambaran’ny sasantsasany tamin’ireo ankolafy nanao sonia ny tondrozotra mitondra ny fiainam-pirenena ankehitriny fa misy antokon’olona, na vondron’olona, na antoko politika tokony horoahina tsy ho mpikambana intsony ao aminy, dia nanao tohivakana ny fivoriana tetsy sy teroa ary tsy tapaka mihitsy tamina toerana maromaro miovaova araka ny olona hifampidinihana.

Tsy misy mihitsy hatreto ny resaka mipika ka tsy fantatra mazava hoe : inona marina no tena votoatin’ireny fivoriana samihafa ireny ? Ny hany azo antoka aloha dia misy tsy fitovian-kevitra ao anatin’ny samy vondrona tsirairay amin’ny fiovaovan’ny toe-draharaham-pirenena be ihany tato ho ato. Be ireo mpanao politika no miahiahy. Ny amin’ny inona anefa ?, ao ny be kajikajy ary ao dia ao ny tena matahotra ny hoavy tena mistery. Fa ny itambarana aloha dia ny fiarovana ny seza tsy hidaraboka fa ho avy ny fifidianana.

Manohy