Politique

Mpamatsy vola Tsy dadabe noely akory , hoy I Doudou

Politique
Sabotsy 10 Desambra 2016

Porofon�ny fahombiazana tamin�ny fanangonan-tsonian�ny vondrona politika dinika fanavotam-pirenena na DFP, hoy ny filohan�izany vondrona izany, Tolojanahary Maharavo na Doudou, ny fisian�ny dinika politika fanindroany izay notontosaina teny Iavoloha omaly.

Fantatry ny vondrona eoropeanina tsara ny zava-misy eto ary tsy afa-miala amin’izy ireo isika satria mpikambana ao anatin’ny Afrique caraibe pacifique (ACP), rafitra ao amin’izy ireo ihany. Tsy dadabe noely ny mpamatsy vola ka hanome vola antsika kanefa isika tsy nanaraka ny nifanarahana, hoy izy. Zavatra 5 amin’ny ankapobeny no notakian’ireo mpamatsy vola dia ny fiarovana ny zon’olombelona, ny fanajana ny demokrasia, ny fitantanana tan-dalàna, ny fahaiza-mitantana ny raharaham-panjakana ary ny ady atao amin’ny kolikoly. Samy tsy lavorary anefa ireo eo anatrehan’ireo mpamatsy vola ka antony mbola maha any ankibon’ny omby ny famatsiana na dia efa nisy aza ny tarehim-bola voatonontonona taorian’ny fihaonambe tany Parisy. Manainga ny vahoaka handray andraikitra sy ho tonga saina ny vondrona ary mampitandrina ny fitondrana tsy ho alaim-panahy hanao ilay antsoina hoe “financement parallèle” tamin’ny andron’ny profesora Zafy Albert satria vao mainka hampidi-kizo antsika izany, hoy izy, fa ny fahendrena dia ny manaja ireo fepetra 5 voalaza teo ireo.

Mirija