Politique

Mpamakafaka politika “Efa marary ny vahoaka.”

Politique
Zoma 15 Febroary 2019

Mbola manohana ny filoham-pirenena Andry Rajoelina aho, hoy ny mpamakafaka politika, Moussa Soahily, saingy amin’ny maha olom-pirenena dia zoko ihany koa ny manao tombana ny governemanta ankehitriny.

Efa nilaza hatramin’izay aho fa tsy azoazoko ny firafitr’io governemanta io satria be loatra ny zavatra nampandeferin’ny filoham-pirenena toy ny fifandanjana isam-paritra na ny “equilibre regionale et provinciale”. Izahay Mozilimanina moa dia tsy nisy tafiditra ao na iray aza. Eny fa na dia ireo zanaka an-trano ao anaty Mapar aza. Tsy maninona, hoy izy, fa miara-mandefitra izahay. Mitaky kosa anefa fahombiazana satria ny dikan’izay dia tsy manana zo handiso izany ireo nametrahana fitokisana ireo. Hitehaka izahay raha misy zava-bita tsaran’ny governemanta. Hitsikera kosa anefa ary hitaky avy hatrany ny fialan’izay minisitra manao ny tsy mety. Tsy tokony hasiana fihetseham-po ny fitantanana ny firenena satria efa marary ny vahoaka. Tsy tokony hiandry 100 andro akory izany na enim-bolana, hoy hatrany ny tenany.

J. Mirija