Politique

Movansy Ravalomanana Hiroso amin�ny fifampiraharahana

Politique
Alatsinainy 14 Aprily 2014

Efa neken'ny Malagasy teo anoloan'ny fianakaviambe iraisam-pirenena ny maha lal�na velona ny tondrozotra ka tsy iadian-kevitra intsony, hoy ny lehiben'ny ankolafy Ravalomanana, Ravatomanga Rolland. Efa voatendry io ny praiminisitra ara-dal�na ary andrasana tsy ho ela ny fitsanganan'ny governemanta vaovao.

Andraikitra iray goavana ny fampiharana izay voalazan'ny tondrozotra rehetra toy ny famohana ireo haino aman-jery nakatona, ny famoahana ireo gadra politika ary ny fiverenan'ireo sesitany politika any ivelany, hoy ny fanazavany. Notsindrian'ny minisitry ny Fambolena fa manohana ny filoham-pirenena ny movansy Ravalomanana ary tsy mivadika amin'ny teny nomeny. Hiroso amin'ny fifampiraharahana amin'ny fanendrena ireo mpikambana handrafitra ny governemanta amin'ny filoha sy ny praiminisitra ny ankolafy, araka ny fanampim-panazavany.

Omaly no voalaza fa nanolorana ny anarana hotendrena minisitra. Mifarana ihany koa ny fifandroritana mikasika ny antoko Tiako i Madagasikara satria efa mazava ny didy navoakan'ny Filankevi-panjakana ny amin'ny maha antoko noforonin-dRavalomanana Marc azy, hoy Ravatomanga Rolland. Ny TIM izay hiatrika ny kongresy nasionaly afaka fotoana vitsy aorian'ny fandaminana ireo rafitra ao anatin'ny antoko.