Politique

Mivarotra tanindrazana

Politique
Talata 22 Martsa 2016

Mbola saorovoro tsy hifankahitana ny resaka ady tany, ady lova amina faritra maro manerana an�i Madagasikara ary tena mibahan-toerana eny amin�ny raharaham-pitsarana ireo.

Ny fitondram-panjakana anefa resy lahatra fa omena faritra manokana hahafahany miasa any atsimo ny Maorisianina. Mialoha an’io, efa nanao izay naha diavolana ny fony, mbola tany atsimo ihany koa ny Italianina, io ilay resaka Tozzi Green. Ny Sinoa efa nanao izay nety tany Soalala (andrefana) vao mody naato ny fitrandrahana vy avy eo. Nirotsaka tamin’ny resaka fitrandrahana fasimainty tany atsimo atsinanana koa anefa ry kely maso sady tsy manaiky amin’ny fitrandrahana volamena. Ny Frantsay moa dia vao miha nahazo aina tsara mihitsy vao hoe tanterahana eto Antananarivo ny fihaonana an-tampon’ny Frankôfônia amin’ny volana novambra, ary ny mpitondra Malagasy ankehitriny mihitsy aza no dedaka hanavao ilay « accord de coopération » taloha. Iaraha-mahita fa tsy hiadian-kevitra maharitra intsony ny fahazoan’ny Karana tany etsy sy eroa. Ka inona no fiandrianam-pirenena amin’izany e ? Mba mieritreritra ireo malagasy mitovy aminy ihany ve ny mpitondra sa efa natao entam-barotra koa ireo satria mora karama ka ho ambakain’izao vahiny rehetra manangana orinasa izao ?

RTT