Politique

Mikorontana anaty ny FAT Tsy voatana hatramin�ny tsiambaratelo

Politique
Zoma 23 Septambra 2011

Mbola mitana ny sain�ny mpanara-baovao maro ny amin�ilay didy fampisamborana an�Atoa Marc Ravalomanana.

Efa tamin’ny martsa 2010 sy aogositra 2010 no namoahan’ny fitsarana azy ireo, saingy nohetsehina indray ny sabotsy 17 septambra 2011, raha vao vita sonia teny amin’ny Le Paon d’Or Antanetibe Ivato ilay sori-dalana. Ny nahatongavan’ny taratasy nalefan’ny “Procureur général” tany amin’ny Sekreteram-panjakana miadidy ny zandarimariam-pirenena, ka nanomezan’ity farany baiko ireo ambany fahefany hanatanteraka io didy io, no ela dia efa niparitaka teny amin’ny tranokala ilay didy, na dia tokony ho tsiambaratelo tanteraka aza izany, araka ny voamarika tamin’ny tombokase mena midoheritra tamin’ilay taratasy. Io no porofo fa tsy milamina eo anivon’ny foloalindahy, na miezaka manafina izany aza ny minisitry ny foloalindahy. Ny fiparitahan’ny taratasy tsiambaratelo toy izao koa dia ampy hilazana fa tsy manara-drenirano ny mpitondra FAT avokoa ny eo anivon’ny foloalindahy. I Manandafy Rakotonirina, filoha nasionalin’ny antoko MFM sady anisan’ireo mpitarika ao amin’ny ankolafy Ravalomanana, moa dia milaza ombieny fa tsy afaka mandeha ila ny famahana izao krizy izao, fa mila aravona ihany koa ny olan’ny miaramila.

Jean D.