Politique

Me Rasamimaka Mahefalahy �Don-tandroka ny an�ny GIC-M�

Politique
Alarobia 17 Jolay 2013

�Natao ihany ny tsy hiteny fa tena manao an�i Madagasikara ho ambany fahefany fa tsy mahaleotena ny GIC-M amin�ny fehin-teniny farany teo�. Izay no nambaran�ny Maitre Rasamimaka Mahefalahy.

Lalàna iraisam-pirenena taiza no nakan’ny GIC-M an’ireny fanapahana noraisiny ireny, hoy ity mpikambana CST avy amin’ny ankolafy Ravalomanana ity. Raha ny zava-misy mantsy dia tsy fiangaviana fa tena karazana didim-pitsarana mihitsy ka raha tsy tanterahina dia milatsaka ny sazy. Hafahafa izany, hoy ny Me Rasamimaka satria tsy mijanona ho mpiara-miasa sy mpiara-miombon’antoka hamaha ny krizy intsony izy ireo. Ny tena mahagaga, hoy hatrany ity mpahay lalàna ity, dia tsy mbola mivoaka akory ny sazy avy amin’ny firaisambe afrikanina dia efa mandatsaka ny azy ny Frantsay, toa te hamerina ny fihetsiny tany Cote d’Ivoire amin’izay afaka mampiasa ny tafiny hiarovana ny tombontsoany amin’ny fambolena korontana mba hanamarinan-tena amin’ny fihetsiny. “Tsy misy azon’ny Malagasy atao raha tsy miaro ny fiandrianany satria don-tandroka fotsiny ny an’ireo GIC-M sy ny Frantsay mpampirisika ao anatiny”, hoy hatrany ny CST Maitre Rasamimaka Mahefalahy nanentana ny Malagasy hiaro ny fireneny sy ny safidiny.

Rakoutou