Politique

Mbola misy fanjakana ve eto ?

Politique
Sabotsy 02 Jolay 2016

Ndeha atao hoe tena sarotra ny raharaha ka izay no tsy mbola hisiana vokatra mivaingana amin�ny fanadihadiana noho ny raharaha fipoahana nahafatesana olona telo sy naharatrana 90 hafa teny Mahamasina, herinandro lasa izay.

Fisavana tranon’olona 4 hatreto no fantatra fa natao dia eo ihany koa ny fanaraha-maso akaiky olona maromaro. Mbola tena manjavozavo ho an’ny besinimaro ihany koa ny tena marina momba ilay zavatra nipoaka, ny resaka mandeha ny amin’ny grenady nivoaka avy amina toby miaramila teto an-drenivohitra. Ny manampahefana no nilaza fa misy ambadika politika ny raharaha 26 jona iny. Hatreto anefa nambara fa tsy mbola misy ny mpanao politika ahiahina na natao fanadihadiana. Ny senatera Lylison moa hatramin’izao, tsy hita izay misy azy, tsy fantatra na tsy mikaroka azy intsony ny mpitandro ny filaminana na efa mahalala ny toerana hiafenany saingy tsy misambotra noho ny antony sy fantatra. Ilay raharaha Beroroha moa dia nangina tanteraka kanefa olona 31 be izao no namoy ny ainy noho ny herisetran’ny dahalo. Fa mbola misy fanjakana ihany ve eto e ?

RTT