Politique

Partagé sur :
• facebook

Nandritra ny fankalazana ny fetim-pirenena Frantsay omaly alakamisy 14 jolay no nanamafisan-dRtoa Véronique Vouland-Aneini, masoivoho

 Frantsay ny fahavononan’izy ireo hiara-kiasa hatrany amin’ny firenena malagasy. Notsipihany ihany koa fa manaraka akaiky ny fanamafisana orina ny demokrasia eto Madagasikara i Frantsa sy ireo mpiara-miombon’antoka amin’i Madagasikara. Ny ady amin'ny kolikoly, ny fanitsiana sy ny famerenana ny fitokisana amin’ny fitsarana, ny fizarana ara-drariny ny harena, ny famerenana amin’ny laoniny ny filaminana, dia fanamby maro tsy maintsy atrehina mba ho taonan’ny zava-bita ny taona 2016 araka ny fangatahan’ny filoha Hery Rajaonarimampianina. Mazava ihany koa ny hafatra avy amin’ny masoivoho Frantsay ho an’ny praiminisitra nanatrika ny lanonana omaly fa : « ianao no tompon’andraikitra amin’ny fifidianana isam-paritra, ny faritany ary ny fifidianana filoham-pirenena », hoy Rtoa Véronique Vouland-Aneini. Ireo rehetra ireo dia hitondra vokatra azo tsapain-tanana kokoa noho ny fifidianana tamin’ny taona 2013, hoy hatrany izy ary ny fifidianana dia tokony ho ara-drariny, malalaka sy misokatra, voakarakara ao anatin’ny toe-draharaha ara-politika milamina sy miantoka ny fahalalahan'ny asa fanaovan-gazety sy maneho hevitra, izany no atao dia mba isorohana krizy vaovao indray izay handetika ny firenena ao anatin’ny lavaky ny fahantrana.

J.M

Tia Tanindrazana

Samia mijoro ho an'i Gasikara.