Politique

Marson Evariste Tonga dia hamantana any am-ponja ingahy Ravalomanana

Politique
Alakamisy 22 Septambra 2011

Ho an�Atoa Marson Evariste, filoha nasionalin�ny antoko RPSD dia olom-pirenena manana zo hiditra eto Madagasikara ny filoha teo aloha Marc Ravalomanana.

Nampatsiahy anefa izy fa misy ny didim-pitsarana manasazy ity filoha teo aloha ity. Koa noho izany dia vantany vao migadona eny Ivato dia mety hivantana avy hatrany any am-ponja ingahy Ravalomanana fa tsy afaka ny ho any an-tranony, araka ny fahitan’ny filohan’ny RPSD azy. Ny SADC mitarika ny fanelanelanana rahateo efa nilaza, hoy Atoa Marson Evariste fa tsy miditra amin’ny raharaham-pitsarana eto koa tsy hita izay antony tsy hampiharana ny lalàna. Mazava ho azy moa, araka ny fanehoan-keviny ihany fa tsy afaka ny ho kandida amin’ny fifidianana filoham-pirenena Atoa Marc Ravalomanana raha voaheloky ny fitsarana. Dia manamafy hatrany ny ambaran’ireo mpomba ny FAT izany Atoa Marson Evariste fa na Tsiafahy na Antanimora no hivantanan’i Marc Ravalomanana raha tonga eto Madagasikara izy, ary tsy misy safidy hafa ankoatra izay.

RTT